Balejazz 2026 - Arild Andersen

Arild Andersen er ein av dei mest sentrale bassistane i europeisk jazz. Sidan 1970-talet har han markert seg internasjonalt, mellom anna i Jan Garbarek Quartet og i samarbeid med namn som Don Cherry, Stan Getz og Pat Metheny.

Han har gjeve ut 25 album på ECM og vart i 2022 utnemnd til kommandør av St. Olavs Orden for innsatsen sin for jazzmusikken. Det nyaste albumet, Landloper, er eit solo livealbum.

I solokonsertane kombinerer Andersen akustisk kontrabass og elektronikk i sanntid – alt er improvisert. Musikken spenner frå store klangflater til nakne, lyriske augeblikk, med den særmerkte bassklangen som raud tråd.

Arild Andersen, bass