Balejazz 2026 - Kåre Kolve Fusion

Kåre Kolve Fusion Live er eit energisk og groovande fusionband leia av saksofonist Kåre Kolve. Han er ein av dei mest brukte og respekterte studiomusikarane i Noreg. Med bakgrunn frå både jazz og populærmusikk har han samla eit knippe toppmusikarar i ein kvintett som gjev nytt liv til jazz fusion i eit moderne uttrykk.

Musikken byggjer bru mellom klassiske fusionreferansar som Weather Report, Spyro Gyra og Yellowjackets, og samtidige namn som Snarky Puppy, Cory Wong og Dirty Loops. Resultatet er melodisk, funky og rytmisk drivande musikk, der jazz, funk, pop og fusion smeltar saman.

Ein konsert med Kåre Kolve Fusion Live byr på høg energi, virtuost samspel og ekte speleglede – levert av nokre av dei mest rutinerte musikarane på den norske scena.

Kåre Kolve, saksofon / Torstein Lofthus, trommer / Jonny Sjo, bass / Frode Mangen, keyboard / Bernt Rune Stray, gitar